ఢిల్లీకి ఉగ్రవాదుల నుంచి ముప్పు

న్యూఢల్లీ : భారత రాజధాని ఢిల్లీకి ఉగ్రవాదుల నుంచి ముప్పు తప్పేట్లు లేదని అమెరికా హెచ్చరించింది. ఢిల్లీలోని కన్నాట్ ప్లేస్, గ్రేటర్ కైలాష్, చాందినీ చౌక్ వంటి ప్రాంతాలను లక్ష్యంగా చేసుకుని ఉగ్రవాదులు దాడికి పాల్పడే ప్రమాదం ఉందని అమెరికా హెచ్చరించింది. ఢిల్లీలోని అమెరాకావాసులు అప్రమత్తంగా ఉండాలని సూచించింది.

ఢిల్లీలో ఉగ్రవాదులు దాడులకు దిగవచ్చుననే సూచనలు గట్టిగా అందుతున్నాయని అమెరికా తెలిపింది. ఉగ్రవాదులు ఢిల్లీలోని అమెరికావారిని, పాశ్చాత్యులను లక్ష్యం చేసుకోవచ్చునని తెలిపింది. ఆస్ట్రేలియా కూడా అటువంటి హెచ్చరిక చేసింది. కరోల్ బాగ్, మెహ్రౌలి, సరోజినీనగర్ ప్రాంతాల్లోని తమ దేశీయులను జాగ్రత్తగా ఉండాలని సూచించింది.