ముంబై దాడులు: కసబ్ పై తీర్పు నేడే

ముంబై:భారత ఆర్థిక రాజధాని ముంబయిలో మారణకాండ సాగించిన ఉగ్రవాది అజ్మల్‌ కసబ్‌ పై సోమవారం న్యాయస్థానంలో తీర్పు వెలువడనుంది. దాదాపు 3 రోజులపాటు నగరాన్ని చెరపట్టి, సహచర ఉగ్రవాదులతో అతడు సాగించిన రక్తపాతానికి 173 మంది బలవ్వడం ప్రతి భారతీయుడి గుండెను కోసేసింది.

అనేక నాటకీయ మలుపుల మధ్య ఏడాది పాటు సాగిన విచారణ ప్రపంచ దృష్టిని ఆకర్షించింది. దాడుల కుట్రలో ముష్కర మూకలతో చేతులు కలిపారని ఆరోపణలు ఎదుర్కొంటున్న మరో ఇద్దరు భారతీయుల భవితవ్యమూ తేలనుంది.కాగా, కసబ్ మరో నాటకం మొదలు పెట్టాడు. తనకు కడుపు నొప్పి వచ్చిందని ఫిర్యాదు చేశాడు.