కాంగ్రెసు ద్వారానే తెలంగాణ: ముఖేష్

తిరుపతి: తమ కాంగ్రెసు పార్టీ ద్వారా మాత్రమే తెలంగాణ రాష్ట్ర ఏర్పాటు సాధ్యమని రాష్ట్ర బిసి సంక్షేమ మంత్రి ముఖేష్ గౌడ్ అన్నారు. ఆయన సోమవారం తిరుపతి వచ్చారు. ఈ సందర్భంగా ఆయన మీడియా ప్రతినిధులతో మాట్లాడారు. తెలంగాణను తెచ్చేదైనా, ఇచ్చేదైనా కాంగ్రెసు పార్టీయేనని ఆయన అన్నారు. శ్రీకృష్ణ కమిటీ నివేదిక వచ్చిన తర్వాత తెలంగాణపై స్పష్టత వస్తుందని ఆయన చెప్పారు. శ్రీకృష్ణ కమిటీ నివేదిక వచ్చిన తర్వాతనే తెలంగాణపై ఆలోచిస్తామని ఆయన చెప్పారు.

బడుగు, బలహీన వర్గాలకు న్యాయం జరిగేలా చూసే బాధ్యత తనదని ఆయన అన్నారు. ఈ వర్గాలకు న్యాయం చేసేందుకు ఎంత దూరమైనా పోతామని ఆయన అన్నారు. బిసి విద్యార్థుల సమస్యలపై మంత్రిని ఆందోళనకారులు చుట్టుముట్టారు. దీంతో ఆయన ఆ విధంగా చెప్పారు.