హీరో రాజశేఖర్ ఇంట్లో చోరీ

హైదరాబాద్: హీరో రాజశేఖర్, జీవిత ఇంటిలో చోరీ జరిగింది. తన ఇంట్లో చోరీ జరిగినట్లు జీవిత, రాజశేఖర్ హైదరాబాదులోని జూబిలీహిల్స్ పోలీసు స్టేషనులో సోమవారం ఫిర్యాదు చేశారు. పని మనిషే ఈ చోరీకి పాల్పడి ఉండవచ్చునని అనుమానాలు వ్యక్తం చేస్తున్నారు. ఇంట్లోని 15 వేల రూపాయల నగదు, ఆరు లక్షల విలువ చేసే బంగారు నగలు చోరీకి గురైనట్లు జీవిత చెబుతోంది.

రాజశేఖర్ సినిమా షూటింగ్ లో ఉన్నారు. పిల్లలకు సెలవులు కావడంతో జీవితతో పాటు కుటుబ సభ్యులంతా ఆయన వెంటే ఉన్నారు. ఈ సమయం చూసి దొంగతనానికి పాల్పడినట్లు చెబుతున్నారు. షూటింగ్ లో భుజానికి గాయం కావడంతో రాజశేఖర్ మెడిసిటీలో చికిత్స పొందుతున్నట్లు తెలుస్తోంది.