• search
  • Live TV
రంగారెడ్డి వార్తల కోసం
నోటిఫికేషన్స్ పై క్లిక్ చేయండి  

జగన్మోహన్ ఆస్తులు రూ. 3.5 కోట్లపైనే

By Pratap
|

Rangareddy Dist
హైదరాబాద్‌: రంగారెడ్డి జిల్లా జాయింట్ కలెక్టర్ జగన్మోహన్ ఇళ్లపై అవినీతి నిరోధక శాఖ (ఎసిబి) దాడులు జరిగాయి. ఆయన బంధువుల ఇళ్లపై కూడా దాడులు నిర్వహించారు. ఎసిబి అధికారులు 9 బృందాలుగా ఏర్పడి ఏకకాలంలో దాడులు జరిగాయి. హైదరాబాదులోని కుందన్ బాగ్, హిమాయత్ నగర్, బంజారాహిల్స్, కూకట్ పల్లి ప్రాంతాల్లోనే కాకుండా మహబూబ్ నగర్, రంగారెడ్డి జిల్లాల్లో కూడా సోదాలు నిర్వహించారు. అతనికి మూడున్నర కోట్ల రూపాయలకు పైగా అక్రమాస్తులు కలిగి ఉన్నట్లు ఎసిబి అధికారులు గుర్తించారు.

హైదరాబాదులోని హిమాయత్ నగర్, అంబర్ పేటల్లో రెండు ఇళ్లు గుర్తించినట్లు ఎసిబి అధికారులు చెప్పారు. విశాఖపట్నంలో కూడా ప్లాట్లు ఉన్నట్లు గుర్తించారు. శేరిలింగంపల్లి, హయత్ నగర్ ల్లో ఆరు ప్లాట్లు ఉన్నట్లు వారు చెప్పారు. ఇంకా పలు ప్రాంతాల్లో ప్లాట్లు ఉన్నట్లు ఎసిబి అధికారులు గుర్తించారు. అర కిలో బంగారం, నగదు, కారు, వెండి ఆభరణాలు ఉన్నట్లు గుర్తించారు. ఇంకా బ్యాంక్ ఖాతాలు, లాకర్లు చూడాల్సి ఉందని ఎసిబి అధికారులు చెప్పారు. ఆదాయానికి మించి ఆస్తులు కలిగి ఉన్నారనే ఆరోపణలు రావడంతో జగన్మోహన్ ఆస్తుల కోసం ఎసిబి అధికారులు సోదాలు నిర్వహించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X