నిఠారీ: ఆర్తి హత్య కేసులో కోలీ దోషి

ఘజియాబాద్: ఉత్తరప్రదేశ్ లోని నిఠారీ గ్రామంలో ఏడేళ్ల బాలిక ఆర్తిపై అత్యాచారం, హత్య కేసులో సిబిఐ ప్రత్యేక కోర్టు వ్యాపారవేత్త మొనిందర్ సింగ్ పంధేర్ పని మనిషి సురిందర్ కోలీని దోషిగా గుర్తించారు. నిఠారీలో జరిగిన సంఘటనలకు సంబంధించి నమోదైన 19 కేసుల్లో సిబిఐ కోర్టు వెలువరించిన తీర్పు వెలువరించిన రెండో కేసు ఇది.

మైనర్ బాలికను కోలీ కిరాతకంగా హత్య చేశాడని తీర్పు వెలువరిస్తూ న్యాయమూర్తి ఎకె సింగ్ అన్నారు. తీర్పు పట్ల బాధితురాలి తండ్రి దుర్గా ప్రసాద్ సంతృప్తి వ్యక్తం చేశారు. మొనిందర్ సింగ్, కోలీలకు కఠిన శిక్ష పడాలని ఆయన అన్నారు.