రేపు జార్ఖండ్ సిఎం ఎంపిక: వెంకయ్య

హైదరాబాద్‌: జార్ఖండ్‌ ముఖ్యమంత్రిని సోమవారం జరిగే బిజెపి పార్లమెంటరీ సమావేశంలో ఎంపిక చేస్తామని బిజెపి జాతీయ నేత వెంకయ్యనాయుడు తెలిపారు. జార్ఖండ్‌ కొత్త ముఖ్యమంత్రి బిజెపి నేతేనని స్పష్టంచేశారు. చట్టసభల్లో అర్థవంతమైన చర్చ జరిగితేనే నేతలకు గౌరవం పెరుగుతుందన్నారు.

మిత్రపక్షాలు జేఎంఎం, ఏజేఎస్‌యూలు బిజెపికి ముఖ్యమంత్రి పదవీ ఇవ్వడానికి అంగీకరించిన విషయం తెలిసిందే. దీంతో జార్ఖండ్‌ సీఎం పదవీ నుంచి శిబు సోరేన్‌ త్వరలో దిగిపోనున్నారు. జెఎంఎం సూచించినట్టు ముఖ్యమంత్రుల రొటేషన్ ఉండదని బిజెపి స్పష్టం చేసింది.