రేప్ కేసు: ఆస్పత్రిలో చేరిన హాలప్ప

బెంగళూర్: మిత్రుడి భార్యపై అత్యాచారం జరిపినట్లు ఆరోపణలు ఎదుర్కుంటున్న కర్నాటక మాజీ మంత్రి హర్తాల్ హాలప్ప ఆస్పత్రిలో చేరారు. ఛాతీ నొప్పి వస్తుందని చెప్పడంతో పోలీసులు హాలప్పను షిమోగాలోని ఆస్పత్రిలో చేర్చారు. సిబిఐ ముందు ఆదివారం హాలప్ప హాజరయ్యారు. ఆ తర్వాత ఆయనను పోలీసులు అరెస్టు చేశారు. ముందస్తు బెయిల్ కు పెట్టుకున్న దరఖాస్తు కోర్టులో విచారణకు రానున్న నేపథ్యంలో ఆయన ఆస్పత్రిలో చేరారు.

హాలప్పను సోమవారం జ్యుడిష్యల్ రిమాండ్ కు పంపారు. రేప్ కేసు నమోదైన తర్వాత హాలప్ప వారం రోజుల పాటు పరారీలో ఉన్నారు. ఆ తర్వాత ఎట్టకేలకు ఆదివారం లొంగిపోయారు. ఆయన బెయిల్ కోసం పెట్టుకున్న దరఖాస్తు గురువారం విచారణకు రానుంది.