విజయవాడ శివారుకు మహర్దశ

విజయవాడ: విజయవాడ-హైదరాబాద్ రోడ్డులోని గొల్లపూడికి మహర్దశ పట్టనుంది. గొల్లపూడి 500 ఎకరాల స్థలంలో హౌసింగ్ ‌తోపాటు మెగా 'ఇన్‌ ఫ్రా'ను అభివృద్ధి చేయటానికి కార్పొరేషన్ సన్నాహాలు చేస్తోంది. కార్పొరేషన్ ఊహించని విధంగా 400 ఎకరాలు ఇస్తామని గొల్లపూడి రైతులు ముందుకు వచ్చిన సంగతి తెలిసిందే. తాజాగా మరో 100 ఎకరాలు అప్పగించటానికి రైతు లు సుముఖత వ్యక్తం చేయడంతో కార్పొరేషన్ యుద్ధప్రాతిపదికన యాక్షన్ ‌ప్లాన్ ‌కు సన్నద్ధమైంది. హౌసింగ్‌ తోపాటు రోడ్లు, పార్కులు, హాస్పిటల్ స్కూల్సు, కాలేజిలు, ఎగ్జిబిషన్ గ్రౌండ్స్, భవిష్యత్తులో కార్పొరేషన్ ‌కు అవసరమైన వసతులు కల్పించేందుకు అంచనాలను తయారు చేయటానికి అధికార యంత్రాంగం సంసిద్ధమైంది.

దీనికి సంబంధించి డిజైన్ చేసే బాధ్యతను ఆర్కిటెక్చర్ కళాశాలకు అప్పగించేందుకు రంగం సిద్ధం చేస్తోంది. కలెక్టర్ అధ్యక్షతన రైతులతో తుది సమావేశం జరిగిన అనంతరం యాక్షన్‌ ప్లాన్‌ ను అమలు పరచనున్నారు. ఆదివారం కమిషనర్ రవిబాబు గొల్లపూడిని సందర్శించారు. ఈ సందర్భంగా స్థానిక రైతులు తమ ప్రాంతాలను అప్పగించటానికి ఎట్టి అభ్యంతరాలు లేవని తెలిపారు.