• search
  • Live TV
గుంటూరు వార్తల కోసం
నోటిఫికేషన్స్ పై క్లిక్ చేయండి  

బాలయ్య సినిమాల్లో బిజీ: చంద్రబాబు

By Pratap
|

Chandrababu Naidu
గుంటూరు: తన బావ మరిది, ప్రముఖ సినీ నటుడు బాలకృష్ణ సినిమాలతో బిజీగా ఉన్నారని తెలుగుదేశం పార్టీ అధ్యక్షుడు నారా చంద్రబాబు నాయుడు అన్నారు. గుంటూరు జిల్లా పర్యటనలో ఉన్న ఆయన మంగళవారం మీడియా ప్రతినిధులతో మాట్లాడారు. అవసరమైనప్పుడు బాలయ్యకు పార్టీ పగ్గాలు అప్పగిస్తామని, దీనిపై తమ కుటుంబ సభ్యులందరూ కలిసి చర్చించి నిర్ణయం తీసుకుంటామని ఆయన చెప్పారు. బాలయ్య సినిమాలతోనూ, ట్రస్టీతోనూ బిజీగా ఉన్నారని, తమ కుటుంబ సభ్యులమంతా బిజీగా ఉన్నామని ఆయన చెప్పారు. రాజకీయాలను, సినీ పరిశ్రమను, సేవారంగాన్ని తమ కుటుంబ సభ్యులు ముందుకు తీసుకుపోయే కృషి చేస్తున్నారని ఆయన చెప్పారు.

బాలయ్య, జూనియర్ ఎన్టీఆర్ ఎన్నికల్లో బాగా పని చేశారని, ఎప్పుడు ఎవరు రాజకీయాల్లోకి రావాలో తమ కుటుంబ సభ్యులమంతా కలిసి నిర్ణయం తీసుకుంటామని ఆయన చెప్పారు. బాలకృష్ణను రాజ్యసభకు పంపాలా, వద్దా అనే విషయంపై పార్టీ నేతలతో చర్చించి నిర్ణయం తీసుకుంటామని ఆయన చెప్పారు. బాలయ్యకు తెలుగుదేశం పార్టీలో సరైన సమయంలో సముచిత స్థానం కల్పిస్తామని ఆయన అన్నారు. రాష్ట్ర ప్రభుత్వంపై చంద్రబాబు విరుచుకుపడ్డారు. మంత్రుల్లో ప్రతి ఒక్కరూ మధుకొడాలే అని ఆయన వ్యాఖ్యానించారు. కాంగ్రెసుకు, అవినీతికి అవినాభావ సంబంధం ఉందని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X