సిగ్గుతో తల వంచుకుంటున్నా: వైయస్ జగన్

కడప: ముఖ్యమంత్రి కె. రోశయ్య ప్రభుత్వంపై కాంగ్రెసు కడప పార్లమెంటు సభ్యుడు అసంతృప్తి వ్యక్తం చేశారు. అయితే ఆయన రోశయ్య పేరు ప్రస్తావించలేదు. పావలా వడ్డీ పథకం అమలు ప్రజాప్రతినిధులు తలదించుకునేలా ఉందని ఆయన అన్నారు. మహిళలకు పావలా వడ్డీ రుణాలు అందకపోవడంపై తాను సిగ్గుతో తల దించుకుంటున్నానని ఆయన అన్నారు. కడప జిల్లాలోని జమ్మలమడుగు ప్రజాపథం కార్యక్రమంలో ఆయన మంగళవారం పాల్గొన్నారు.

పావలా వడ్డీ రుణాల పథకం అమలు కోసం ప్రభుత్వం ఒత్తిడి తెస్తానని, దాన్ని అమలు చేయిస్తానని ఆయన హామీ ఇచ్చారు. ప్రజా సమస్యల పరిష్కారం కోసం తాను నిరంతరం పోరాటం చేస్తానని ఆయన చెప్పారు. దివంగత నేత వైయస్ రాజశేఖర రెడ్డి ఆశయాల సాధన కోసం శాయశక్తులా కృషి చేస్తానని ఆయన అన్నారు.