జగన్ యాత్రను అడ్డుకుంటాం: తెరాస

వరంగల్: తెలంగాణలో వైయస్ జగన్ ఓదార్పు యాత్రను అడ్డుకుంటామని తెలంగాణ రాష్ట్ర సమితి (తెరాస) మాజీ శానససభ్యుడు వినయ్ భాస్కర్ చెప్పారు. కెప్టెన్ లక్ష్మీకాంత రావు నివాసంలో తెరాస అగ్రనేతలు గురువారం సమావేశమై జగన్ ఓదార్పు యాత్రను అడ్డుకునే విషయంపై చర్చించారు. వైయస్ జగన్ యాత్రను ఏడు రోజులు కాదు, ఏడు సెకన్లు కూడా సాగనివ్వమని ఆయన గురువారం మీడియా ప్రతినిధులతో అన్నారు.

తెలంగాణలో జగన్ ఓదార్పు యాత్ర వెనక రహస్య ఎజెండా ఉందని, రాష్ట్రంలో కొత్త పార్టీ పెట్టే ఉద్దేశంతోనే జగన్ ఓదార్పు యాత్రలు చేస్తున్నారని తెరాస మాజీ పార్లమెంటు సభ్యుడు వినోద్ కుమార్ అన్నారు. తెలంగాణ కళాకారుల ధూంధాంలకు అనుమతి ఇవ్వని ప్రభుత్వం జగన్ ఓదార్పు యాత్రలకు ఎలా అనుమతిస్తారని లక్ష్మీకాంత రావు అడిగారు.