ఓర్వలేకనే నాపై విమర్శలు: బాలకృష్ణ

విశాఖపట్నం: ఓర్వలేక, తట్టుకులేక ప్రతిపక్షాలు తనపై విమర్శలు చేస్తున్నాయని ప్రముఖ సినీ నటుడు, తెలుగుదేశం నాయకుడు బాలకృష్ణ అన్నారు. తనవి రాజకీయ యాత్రలని ప్రతిపక్షాలు చేస్తున్న విమర్సలు ఓర్వలేకనే అని ఆయన అన్నారు. సింహా విజయోత్సవ యాత్రలో భాగంగా ఆయన సినీ యూనిట్ సభ్యులతో కలిసి ఆయన శుక్రవారం సింహాద్రి అప్పన్నను సందర్శించుకున్నారు. ప్రస్తుతానికి పూర్తి స్థాయి రాజకీయాల్లోకి వచ్చే ఆలోచన లేదని ఆయన ఒక ప్రైవేట్ టీవీ చానెల్ ప్రతినిధితో అన్నారు.

తాను సినిమాల్లో పోషించాల్సిన పాత్రలు చాలా ఉన్నాయని, అయితే పార్టీలో తనకు ఏ బాధ్యతలు అప్పగించినా నిర్వర్తించడానికి సిద్ధంగా ఉన్నానని ఆయన అన్నారు. అభిమానులకు తాను నిత్యావసర సరుకులాంటి వాడినని ఆయన చెప్పుకున్నారు. ప్రతిపక్షాలు చేస్తున్న విమర్శలను తాను పట్టించుకోబోనని ఆయన అన్నారు. తన కుమారుడు మోక్షజ్ఞ సినిమాల్లోకి రావడానికి కొంత సమయం పడుతుందని ఆయన చెప్పారు.