కుమార్తెను నదిలో విసిరిన తల్లి

న్యూయార్క్‌: భారత సంతతికి చెందిన ఓ మహిళ అమెరికాలో తన ఏడాదిన్నర కుమార్తెను గడ్డకట్టేంత చల్లగా ఉన్న నదిలో విసిరేసి తానూ దూకింది. అయితే పోలీసులు వారిని రక్షించారు. తమిళనాడుకు చెందిన దేవి సిల్వియా(33), జేమ్స్‌ పృథ్వీరాజ్‌లు దంపతులు. వీరికిద్దరు పిల్లలు. దేవికి భర్తతో విభేదాలున్నాయి.

అతనిపై ప్రతీకారం తీర్చుకోవడానికే తానీ పనిచేసినట్లు ఆమె విచారణలో వెల్లడించింది. భర్త ఉద్యోగం కోసం అమెరికాలో వివిధ నగరాలు తిరిగేసరికి విసుగొచ్చిందని, పాపను తీసుకుని భారత్‌ తిరిగి వెళ్లిపోదామనుకుంటున్నానని బంధువులతో అంతకుముందే చెప్పింది.