శ్రీకాళహస్తిలో జయలలిత హల్ చల్

శ్రీకాళహస్తి: తమిళనాడు మాజీ ముఖ్యమంత్రి, అన్నాడియంకె అధ్యక్షురాలు జయలలిత సోమవారం చిత్తూరు జిల్లా శ్రీకాళహస్తిలో హల్ చల్ చేశారు. శ్రీకాళహస్తీశ్వరాలయాన్ని సందర్శించారు. తన ప్రియసఖి శశికళతో కలిసి ఆమె ఆలయంలో ప్రత్యేక పూజలు చేశారు. సర్పదోష నివారణ పూజలు చేశారు. రుద్రాభిషేకంలో పాల్గొన్నారు. ఆమె హెలికాప్టర్ దిగడానికి స్కిట్ ఇంజినీరింగ్ కళాశాలలో ప్రత్యేకంగా హెలిపాడ్ నిర్మించారు. ఆమె కుటుంబ సభ్యులతో, పార్టీ నాయకులతో కలిసి శ్రీకాళహస్తి వచ్చారు.

జయలలితకు ఆలయ మర్యాదలతో ఆలయ సిబ్బంది స్వాగతం పలికారు. ఆలయంలో ఆమె వినాయకుడికి, సుబ్రహ్మణ్యస్వామికి, అమ్మవార్లకు కూడా పూజలు నిర్వహించారు. ఆమె శ్రీకాళహిస్తిలో మీడియాను కలవడానికి ఇష్టపడలేదు. మీడియా ప్రతినిధులను దగ్గరకు కూడా రానీయలేదు. రాజకీయ, ఆర్థికపమైన దోషాల నివారణకు ఆమె శ్రీకాళహస్తిలో ప్రత్యేక పూజలు చేసినట్లు తెలుస్తోంది.