తిరుపతికి రెండు ప్రత్యేక రైళ్ళు

కాజీపేట: వేసవిలో తిరుమల తిరుపతికి ప్రయాణికుల రద్దీ పెరగడంతో దక్షిణ మధ్య రైల్వే అధికారులు రెండు ప్రత్యేక వీక్లీ రైళ్లు వేశారు. ఈ రైళ్లు కాజీపేట జంక్షన్‌ మీదుగా తిరుపతికి వెళ్తాయి. సోమవారం నుంచి ఈ రైళ్లు నడవనున్నాయి. ప్రతీ సోమవారం సికింద్రాబాద్‌ నుంచి తిరుపతి వరకు, ప్రతీ మంగళవారం తిరుపతి నుంచి సికింద్రాబాద్‌ వరకు ఇవి నడుస్తాయని రైల్వే అధికారులు తెలిపారు.

రైల్‌ నంబర్‌ 0723 సికింద్రాబాద్‌ నుంచి తిరుపతి వెళ్లే ఎక్స్‌ప్రెస్‌ సికింద్రాబాద్‌ లో మే 17, 24, 31, జూన్‌ 7, 14వ తేదీల్లో సాయంత్రం 6.30 గంటలకు బయల్దేరి రాత్రి 8.30కు కాజీపేట జంక్షన్‌కు చేరుకుంటుంది. తిరుపతి-సికింద్రాబాద్‌ ఎక్స్‌ప్రెస్‌..

రైల్‌ నంబర్‌ 0724 తిరుపతి నుంచి సికింద్రాబాద్‌ వెళ్లే ఎక్స్‌ప్రెస్‌ తిరుపతిలో మే 18, 25, జూన్‌ 1, 8, 15వ తేదీల్లో సాయంత్రం 5.30 గంటలకు బయల్దేరి మర్నాడు తెల్లవారుజామున 3.50 గంటలకు కాజీపేట జంక్షన్‌కు చేరుకుంటుంది.