• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బాబు హరే కృష్ణ, హరే దయాకర్

By Pratap
|

Chandrababu Naidu
న్యూఢిల్లీ: తెలుగుదేశంలో తలెత్తిన లేఖల యుద్ధాన్ని పార్టీ అధినేత చంద్రబాబు చిన్నసమస్యగా కొట్టిపారేశారు. ఈ విషయంలో ఇటు హరికృష్ణను, అటు ఎర్రబెల్లి దయాకర్‌రావును వెనకేసుకొచ్చే ప్రయత్నం చేశారు. ప్రజాస్వామ్యంలో వ్యక్తుల పర్యటనలను అడ్డుకోవడాన్ని తాము సమర్థించమని ఒకవైపు హరికృష్ణను సమర్థిస్తూనే, ప్రజల మనోభావాలకు అనుగుణంగా నాయకులు నడుచుకోవడంలో తప్పులేదంటూ మరోవైపు ఎర్రబెల్లిని వెనకేసుకొచ్చారు. సోమవారం రైతు సమస్యలపై ప్రధానిని కలిసిన తర్వాత విలేకర్లు ఈ అంశాన్ని ప్రస్తావించినప్పుడు ఆయన ఆచితూచి స్పందించారు.

ప్రజల మనోభావాల ప్రకారం నాయకులు పనిచేస్తున్నారని, అందులో తప్పేమీలేదని, అయితే నాయకుల మధ్య విభేదాలు కూడదని, తాను దీనిపై ఇప్పటికే అందరితో మాట్లాడానని ఆయన చెప్పారు. సంయమనం, క్రమశిక్షణతో వ్యవహరించాలని కోరుతున్నా. ఇది సున్నితమైన సమస్య. ఏ ప్రాంత నాయకులు ఆ ప్రాంత ప్రజల మనోభావాలకు అనుగుణంగా నడుచుకోవాల్సిన అవసరం ఉందని పార్టీ స్పష్టంగా చెబుతోందని అన్నారు. హరికృష్ణ సమైక్యాంధ్రకు మద్దతు పలుకుతున్నట్లు ఇంతకుముందే ఢిల్లీలో చెప్పారని పేర్కొన్నారు. ప్రజాసమస్యలపై జనంలోకి వెళ్లినప్పుడు అడ్డుకోవడం సరి కాదని, తనకు రెండుప్రాంతాలూ సమానమని, రెండూ రెండుకళ్లని చెప్పి వెళ్లానని ఆయన వివరించారు.

కొంతమంది అక్కడుండే పరిస్థితులు, జగన్‌చేసే పనులను బట్టి విమర్శిస్తున్నారని, విమర్శించే హక్కు ప్రతి ఒక్కరికీ ఉంటుందని, అయితే అడ్డుకోవడాన్ని మాపార్టీ ఎప్పుడూసమర్థించదు. ప్రజాస్వామ్యంలో ఎవరి ప్రచారం వారు చేసుకోవచ్చనని, తప్పులేదని అన్నారు. లేఖల వివాదంలో నాయకులపై క్రమశిక్షణా చర్యలు అవసరం లేదని, ఇది చిన్న అంశమని చంద్రబాబు అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X