సాఫ్ట్ వేర్ ఇంజినీరు ఆత్మహత్య

కావలి: సాఫ్ట్‌ వేర్‌ ఇంజినీర్‌ ఆత్మహత్య చేసుకున్నాడు. హైదరాబాద్‌ లో సాఫ్ట్‌ వేర్‌ ఇంజనీర్‌ గా పనిచేస్తున్న నెల్లూరు జిల్లా కావలికి చెందిన దామా హరిబాబు (30) సీపీఐ నేత, ఏఐటీయూసీ నెల్లూరు జిల్లా కార్యదర్శి అంకయ్య పెద్ద కుమారుడు. ఇతను హైదరాబాద్‌ లోని ఐబీఎంలో సాఫ్ట్‌ వేర్‌ ఇంజినీర్‌ గా పనిచేస్తున్నాడు. కావలి పట్టణంలోని జనతాపేట నార్తులో దామా అంకయ్య నివాసముంటున్నారు.

గత శుక్రవారమే ఇంటికి వెళ్లిన హరిబాబు ఆదివారం అర్ధరాత్రి వరకు టీవీ చూసి తన గదిలోకి వెళ్లి పడుకున్నాడు. సోమవారం ఉదయం ఎంత సేపటికీ తలుపులు తీయకపోయేసరికి అనుమానం వచ్చి కుటుంబ సభ్యులు తలుపునకు ఉన్న గడిని తొలగించి చూడగా ఫ్యాన్‌ కు వేలాడుతూ కనిపించాడు. అనారోగ్య కారణంగానే ఆత్మహత్య చేసుకుంటున్నానని, తమ్ముడు, చెల్లెలని బాగా చూసుకోవాలని సూసైడ్‌ నోట్‌ లో తల్లిదండ్రులను కోరాడు. మృతదేహాన్ని కావలి ఏరియా ఆసుపత్రికి తరలించారు.