ప్రభుత్వం అప్రమత్తంగా ఉండాలి: బాబు

హైదరాబాద్‌: రాష్ట్రానికి తుఫాను ముప్పు పొంచి ఉన్న ప్రస్తుత పరిస్థితిలో అప్రమత్తంగా వ్యవహరించాలని తెలుగుదేశం పార్టీ అధ్యక్షుడు నారా చంద్రబాబు నాయుడు ప్రభుత్వానికి సూచించారు. ఉన్న అన్ని సౌకర్యాలను వాడుకోవాలని ఆయన అన్నారు. పార్టీ నాయకుల సమావేశంలో ఆయన బుధవారం ప్రసంగించారు.

రాష్ట్రంలో నెలకొన్న లైలా తుఫాను వల్ల పరిస్థితి చేయి దాటితే సహాయక చర్యలకు తెలుగుదేశం నేతలు, కార్యకర్తలు వెంటనే రంగంలోని దిగాలని ఆయన సూచించారు. కోస్తా జిల్లాలో ఉన్న పరిస్థితిపై ఆయా జిల్లాల నేతలతో బాబు టెలికాన్ఫరెన్స్‌ నిర్వహించారు. తీర ప్రాంతంలో ఉన్న ప్రజలు ఇబ్బంది పడకుండా సహాయం చేయాలన్నారు.