సహాయ చర్యలు చేపట్టండి: చిరు

గుంటూరు: తుపాను ముప్పు ఉన్న ప్రాంతాల్లో సహాయక చర్యలకు ముందుకు రావాలని ప్రజారాజ్యం పార్టీ అధ్యక్షుడు చిరంజీవి పార్టీ కార్యకర్తలకు, అభిమానులకు పిలుపునిచ్చారు. ఆపత్సమయంలో ప్రజలను ఆదుకోవాలని ఆయన అన్నారు.

తీర ప్రాంతంలో ఎడతెరిపి లేకుండా వర్షాలు కురుస్తున్నాయి. కోస్తాంధ్రలోనే కాకుండా రాయలసీమలో కూడా వర్షాలు కురుస్తున్నాయి. తిరుమల, తిరుపతి కూడా వర్షాలు తాకాయి. తిరుమలలో ఈదురాగాలులతో కూడిన వర్షాలు కురుస్తున్నాయి. చెట్లు విరిగి పడ్డాయి. ప్రకాశం జిల్లాలోని పది మండలాల్లో విస్తారంగా వర్షాలు కురుస్తున్నాయి.