ముప్పును సమర్థంగా ఎదుర్కొందాం: సిఎం

హైదరాబాద్: తుపాను ముప్పును సమర్థంగా ఎదుర్కొందామని ముఖ్యమంత్రి కె. రోశయ్య అన్నారు. ముప్పు ప్రాంతాల్లో పరిస్థితిని, చేపట్టాల్సిన సహాయక చర్యలను చర్చించడానికి బుధవారం ముఖ్యమంత్రి అధ్యక్షతన మంత్రివర్గ సమావేశం జరిగింది. వీలైనంత మేరకు ప్రాణ, ఆస్తినష్టం జరగకుండా ప్రయత్నాలు చేద్దామని ముఖ్యమంత్రి మంత్రులకు సూచించారు.

మంత్రులంతా జిల్లాలకు వెళ్లి స్వయంగా సహాయక చర్యలను పర్యవేక్షించాలని ముఖ్యమంత్రి ఆదేశించారు. అధికారులను అప్రమత్తం చేసి ప్రజలు భయాందోళనలకు గురి కాకుండా చూడాలని ఆయన సూచించారు. వరద సహాయక చర్యలు చేపట్టేందుకు ఆరు హెలికాప్టర్లను వినియోగించాలని ప్రభుత్వం నిర్ణయించింది.