హరికృష్ణ కూడా మా నేత: ఎర్రబెల్లి

హైదరాబాద్: తమ పార్టీ రాజ్యసభ సభ్యుడు హరికృష్ణ కూడా తమ నాయకుడేనని తెలుగుదేశం పార్టీ నాయకుడు ఎర్రబెల్లి దయాకర్ రావు అన్నారు. కాంగ్రెసు పార్లమెంటు సభ్యుడు వైయస్ జగన్ తెలంగాణ యాత్రపై పార్టీలో నెలకొన్న వివాదం తమ పార్టీ అధ్యక్షుడు నారా చంద్రబాబు నాయుడు వద్ద పెండింగులో ఉందని ఆయన బుధవారం మీడియా ప్రతినిధులతో చెప్పారు. వైయస్ జగన్ ను తెలంగాణలో అడ్డుకుంటామనే తన ప్రకటనకు తాను ఇంకా కట్టుబడి ఉన్నట్లు ఆయన తెలిపారు.

వైయస్ జగన్ ను తెలంగాణలో అడ్డుకుంటామని ఎర్రబెల్లి దయాకర రావు చేసిన ప్రకటనను హరికృష్ణ తీవ్రంగా వ్యతిరేకించిన విషయం తెలిసిందే. దీంతో ప్రాంతాలవారీగా తెలుగుదేశం పార్టీ రెండుగా చీలిపోయింది. దీనిపై ఎర్రబెల్లి దయాకర రావు చంద్రబాబుకు వివరణ ఇచ్చుకున్నారు.