• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సముద్రం అల్లకల్లోలం: భారీ వర్షాలు

By Pratap
|

Heavy Rains in coastal Andhra
హైదరాబాద్: తుపాను లైలా ప్రభావంతో సముద్రం అల్లకల్లోలంగా మారింది. తీర ప్రాంతంలో సముద్రం ముందుకు చొచ్చుకుని వచ్చింది. అలలు ఎగిసిపడుతున్నాయి. తుపాను తాకిడిని తట్టుకునేందుకు అధికారులు అన్ని ఏర్పాట్లు చేస్తున్నారు. హ్యాం రేడియోను ఏర్పాటు చేశారు. తీర ప్రాంతంలోని 83 గ్రామాల్లో 123 పునరావాస కేంద్రాలు ఏర్పాటు చేశారు. బుధవారం సాయంత్రంలోగా ప్రజలు పునరావాస కేంద్రాలకు చేరుకోవాలని అధికారులు సూచించారు.

మచిలీపట్నం ఓడరేవులో ఏడో నెంబర్ ప్రమాద హెచ్చరికను జారీ చేశారు. అన్ని ఓడరేవుల్లో ప్రమాద హెచ్చరికలు జారీ చేశారు. చెన్నై నుంచి జాతీయ విపత్తుల స్పందన దళాల బలగాలను రప్పించారు. ట్రాఫిక్ ను ఎక్కడికక్కడ నియంత్రిస్తున్నారు. చెట్లు విరిగిపడితే తొలగించడానికి క్రేన్ లు సిద్ధం చేశారు. కృష్ణా జిల్లా ఉల్లిపాడు వద్ద, సర్వగిరిలో ఇద్దరేసి జాలర్లు అదృశ్యమయ్యారు. తుపాను ప్రభావంతో తీర ప్రాంతంలోని జిల్లాల్లో బుధవారం ఉదయం నుంచే వర్షాలు కురుస్తున్నాయి.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X