చిరంజీవికి మావోయిస్టుల హెచ్చరిక

హైదరాబాద్: ప్రజారాజ్యం పార్టీ అధ్యక్షుడు చిరంజీవికి మావోయిస్టుల నుంచి హెచ్చరికలు వచ్చినట్లు వార్తలు వస్తున్నాయి. పోలవరం ప్రాజెక్టుకు జాతీయ హోదా కల్పించాలని డిమాండ్ చేస్తూ బస్సు యాత్ర చేపట్టినందుకు చిరంజీవికి మావోయిస్టులు హెచ్చరికలు జారీ చేసినట్లు వార్తలు వచ్చాయి. పోలవరం ముంపు ప్రాంతాల్లో పర్యటిస్తే చిరంజీవిని అడ్డుకుంటామని మావోయిస్టులు హెచ్చరించారు.

పోలవరం ప్రాజెక్టుకు జాతీయ హోదా కల్పించాలంటూ చిరంజీవి బస్సు యాత్ర చేపట్టిన విషయం తెలిసిందే. ఆయన తూర్పు గోదావరి, పశ్చిమ గోదావరి, విశాఖపట్నం జిల్లాల్లో విస్తృతంగా పర్యటించారు. గిరిజన ప్రాంతాల్లో మావోయిస్టులు పట్టు కోల్పోతామనే ఆందోళనతోనే చిరంజీవికి హెచ్చరికలు జారీ చేసినట్లు భావిస్తున్నారు.