హెలికాప్టర్లు సిద్ధం చేసుకోండి: రోశయ్య

హైదరాబాద్: రాష్ట్రంలోని తీర ప్రాంతంలో గల ప్రజలు తుఫాను కారణంగా ఎలాంటి ఇబ్బందులకు గురవకుండా చర్యలు చేపట్టాలని ముఖ్యమంత్రి రోశయ్య అధికారులను ఆదేశించారు. కోస్తా జిల్లాల కలెక్టర్లతో ఆయన బుధవారం టెలికాన్ఫరెన్స్‌ నిర్వహించారు. సహయక చర్యల కోసం అవసరమైతే హెలికాప్టర్లు సిద్ధంగా ఉంచుకోవాలని రోశయ్య తెలిపారు. ప్రస్తుత పరిస్థితి గురించి కలెక్టర్లను అడిగి పూర్తి వివరాలు తెలుసుకున్నారు.

కాగా, ప్రకాశం జిల్లా చీరాల వద్ద ఆదివారం సముద్రంలోకి వెళ్లిన నలుగురు జాలర్ల జాడ తెలియడం లేదు. దీంతో కుటుంబ సభ్యులు తీవ్ర ఆందోళనకు గురవుతున్నారు. గుంటూరు, పశ్చిమ గోదావరి, తూర్పు గోదావరి, ప్రకాశం, గుంటూరు జిల్లాల్లోని పలు మండలాల్లో అధికారులు అప్రమత్తమై సహాయక చర్యలు చేపడుతున్నారు.