తుఫాను: జలదిగ్బంధంలో ఒంగోలు

ఒంగోలు: ప్రకాశం జిల్లా కేంద్రం ఒంగోలు పూర్తిగా నీట మునిగింది. భారీ వర్షం పడుతుండడంతో ఒంగోలు పట్టణం తీవ్రంగా ప్రభావితమైంది. పట్టణంలో నీరు చేరడంతో ప్రజలు ఇళ్లకే పరిమితమయ్యారు. ఆర్టీసి డిపోతో పాటు ఇతర ప్రభుత్వ కార్యాలయాల్లోకి నీరు వచ్చి చేరింది. పోతురాజు కాలువ పొంగి పొర్లుతోంది. దీంతో మరింతగా నీరు వచ్చి చేరుతోంది. ఒంగోలుకు బయటి నుంచి రాకపోకలు ఆగిపోయాయి.

పట్టణం నీట మునగడంతో పునరావాస కార్యక్రమాలపై ప్రభావం పడుతోంది. చెట్లు విరిగి రోడ్లకు అడ్డంగా పడ్డాయి. వాటిని ప్రొక్లెయిన్ల సాయంతో తొలగించడానికి ప్రయత్నిస్తున్నారు. ప్రకాశం జిల్లాలోని చీరాల వద్ద సముద్రం 50 అడుగుల ముందుకు వచ్చింది. జిల్లాలోని 13 గ్రామాలు జలదిగ్బంధంలో చిక్కుకున్నాయి.