జెసి వ్యాఖ్యలు సరి కావు: దానం

హైదరాబాద్: ఆర్థిక భారం దృష్ట్యా దివంగత నేత వైయస్ రాజశేఖర రెడ్డి ప్రవేశపెట్టిన సంక్షేమ పథకాలను సమీక్షించాలని కాంగ్రెసు సీనియర్ నాయకుడు జెసి దివాకర్ రెడ్డి చేసిన ప్రకటనను రాష్ట్ర ఆరోగ్య శాఖ మంత్రి దానం నాగేందర్ ఖండించారు. దివాకర్ రెడ్డి చేసిన వ్యాఖ్యలు సరి కావని ఆయన శుక్రవారం మీడియా ప్రతినిధులతో అన్నారు.

వైయస్ మంత్రివర్గంలో జెసి దివాకర్ రెడ్డి పని చేశారని, సంక్షేమ పథకాలపై జెసి అప్పుడే తన అభిప్రాయాన్ని చెప్పాల్సిందని ఆయన అన్నారు. ఇప్పుడు వైయస్ సంక్షేమ పథకాలకు వ్యతిరేకంగా జెసి మాట్లాడడం సమంజసం కాదని ఆయన అన్నారు. పథకాల అములపై రాష్ట్ర మంత్రివర్గం ఉపసంఘాన్ని ఏర్పాటు చేసిందని ఆయన చెప్పారు.