సిఎం హెలికాప్టర్ అత్యవసర ల్యాండింగ్

మంగుళూరు : విమాన ప్రమాదం సంభవించిన ప్రదేశానికి హెలికాప్టర్ లో బయలుదేరిన కర్నాటక ముఖ్యమంత్రి యడ్యూరప్పకు ప్రతికూల వాతావరణం అడ్డు వచ్చింది. ఆయన ప్రయాణిస్తున్న హెలికాప్టర్ అత్యవసరంగా హసన్ వద్ద దిగింది. యడ్యూరప్ప మంగుళూరు విమాన ప్రమాద ఘటన తెలియగానే దిగ్భ్రాంతికి గురయ్యారు. సంఘటన ప్రాంతానికి ప్రత్యేక హెలికాఫ్టర్‌లో హోంమంత్రి ఆచార్య, డీజీపీలతో పాటు ఆయన బయలుదేరారు.

అయితే వాతావరణం అనుకూలించక పోవడంతో హసన్ వద్ద అత్యవసరంగా హెలికాఫ్టర్ ల్యాండ్ అయింది. దీంతో ముఖ్యమంత్రి రోడ్డు మార్గంలో మంగళూర్ కు ప్రయాణమయ్యారు. ప్రతికూల వాతావరణం వల్ల తమ హెలికాప్టర్ హసన్ లో దిగిందని, రోడ్డు మార్గం ద్వారా మంగళూర్ వెళ్తున్నామని యడ్యూరప్ప చెప్పారు.