పైలట్ సమాచారం ఇవ్వలేదు: అగర్వాల్

ముంబై: మంగళూర్ విమాన ప్రమాదంపై పైలట్ నుంచి తమకు ముందుగా ఎటువంటి సమాచారం అందలేదని ఆల్ ఇండియా ఎయిర్ పోర్ట్ అథారిటీ చైర్మన్ అగర్వాల్ చెప్పారు. ఈ ప్రమాదంపై తాము పూర్తి స్థాయిలో విచారణ జరుపుతున్నామని ఆయన శనివారం మీడియా ప్రతినిధులతో చెప్పారు. విమాన రాకపోకల నియంత్రణకు సంబంధించి ఎటువంటి లోపాలను కూడా తాము గుర్తించలేదని ఆయన అన్నారు.

విమానంలో సాంకేతిక లోపం వల్లనే ఈ ప్రమాదం జరిగిందని ఆయన అభిప్రాయపడ్డారు. రన్ వేలో ఏ విధమైన లోపాలు లేవని ఆయన స్పష్టం చేసారు. శనివారం సాయంత్రం నాలుగు గంటలలోగా ప్రాథమిక నివేదికను అందిస్తామని ఆయన చెప్పారు. ఆయన ప్రమాద స్థలానికి చేరుకున్నారు.