విమాన ప్రమాదం: బ్లాక్ బాక్స్ లభ్యం

మంగళూర్: మంగళూర్ లో ప్రమాదం జరిగిన మూడు రోజులకు మంగళవారం విమానానికి చెందిన కీలకమైన డిజిటల్ ఫ్లయిట్ డాటా రికార్డర్ బ్లాక్ బాక్స్ లభ్యమైంది. మంగళూర్ లో ఎయిర్ ఇండియా విమానం కూలి 158 మంది మృత్యువాత పడిన విషయం తెలిసిందే. డాటా రికార్డర్ లో కీలకమైన సమాచారం ఉంటుంది. బ్లాక్ బాక్స్ లో రికార్డయ్యే సమాచారం ద్వారా ప్రమాదానికి గల కారణాలను తెలుసుకోవడానికి వీలవుతుంది.

విమాన ప్రమాద సమయంలో పైలట్ల మధ్య జరిగిన సంభాషణ అందులో రికార్డు అవుతుంది. బ్లాక్ బాక్స్ కొంత దెబ్బ తిన్నట్లు తెలుస్తోంది. అయితే ప్రధానమైన మెమరీకి సంబంధించి ఏ విధమైన నష్టం జరగలేదని పౌర విమాన యానాల డైరెక్టరేట్ జనరల్ చెప్పారు. ప్రధాన భాగం ఏ మాత్రం దెబ్బ తినలేదని, ప్రధానమైన మెమరీని గుర్తించామని, అది పటిష్టంగా ఉందని డిజిసిఎ అధికారులు చెప్పారు.