• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

డిఎస్ కు సోనియా మొట్టికాయలు

By Pratap
|

Srinivas
న్యూఢిల్లీ: ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ పట్ల పార్టీ అధ్యక్షురాలు సోనియా గాంధీ ఏ మాత్రం సంతృప్తిగా లేనట్లు తెలుస్తోంది. ఢిల్లీ పర్యటనలో ఆయనకు అధిష్టానం వద్ద చుక్కెదురైనట్లు ప్రచారం జరుగుతోంది. రాజ్యసభ సీటును ఆశిస్తున్న డి. శ్రీనివాస్ కు సోనియా నుంచి, కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ నుంచి వ్యతిరేకత ఎదురైనట్లు తెలుస్తోంది. వారిద్దరు డిఎస్ కు మొట్టికాయలు వేశారని అంటున్నారు. తప్పు చేస్తే సోనియానైనా, మన్మోహన్ నైనా ప్రశ్నిస్తామని జగన్ వర్గానికి చెందిన ఆదినారాయణ రెడ్డి, శ్రీకాంత్ రెడ్డి, గుర్నాథ్ రెడ్డిపై డిఎస్ సోనియాకు ఫిర్యాదు చేశారని, అయితే అది డిఎస్ కే వ్యతిరేకంగా పనిచేసిందని వార్తాకథనాలు వచ్చాయి.

జగన్ వర్గానికి చెందిన శాసనసభ్యులపై ఫిర్యాదు చేస్తున్న మీరు సీనియర్ శాసనసభ్యులు జెసి దివాకర్ రెడ్డిని, డిఎల్ రవీంద్రా రెడ్డిని ఎందుకు కట్టడి చేయడం లేదని సోనియాతో పాటు మొయిలీ కూడా ప్రశ్నించినట్లు సమాచారం. జగన్ ఓదార్పు యాత్రను కడప శాసనసభ్యుల వ్యాఖ్యలతో ముడిపెట్టడాన్ని అధిష్టానం ఇష్టపడడం లేదని అంటున్నారు. మొత్తం మీద డిఎస్ ఒక్కటి అనుకుంటే మరోటి జరిగినట్లు వార్తలు వస్తున్నాయి.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X