ఎమ్మెల్సీ కొండా మురళిపై దాడి: పుల్లా పద్మావతికి గుండెపోటు

వరంగల్: కాంగ్రెసు ఎమ్మెల్సీ కొండా మురళి వాహనంపై తెలంగాణ ఆందోళనకారులు వరంగల్ జిల్లా మహబూబాబాద్ లో దాడి చేశారు. ఈ దాడి నుంచి మురళి తృటిలో తప్పించుకున్నారు. మురళి వాహనాన్ని ఆందోళనకారులు దగ్ధం చేశారు. వాహనం పూర్తిగా కాలిపోయింది. మంటలను అర్పడానికి వస్తున్న ఫైర్ ఇంజన్ ను కూడా ఆందోళనకారులు అడ్డుకున్నారు. కాగా, ఆయన భార్య, శాసనసభ్యురాలు కొండా సురేఖ నిద్ర మాత్రలు మింగి ఆత్మహత్యకు ప్రయత్నం చేశారు.

జగన్ అరెస్టు విషయాన్ని తెలుసుకున్న కాంగ్రెసు ఎమ్మెల్సీ పుల్లా పద్మావతి గుండె పోటుతో స్పృహ తప్పి పడిపోయారు. ఆమెను పోలీసులు అరెస్టు చేశారు. ఈ సమయంలో డిఎస్పీ కార్యాలయంలో స్పృహ తప్పి పడిపోయారు. దీంతో ఆమెను ఆస్పత్రికి తరలించారు. కొండా సురేఖను కూడా ఆస్పత్రికి తరలించారు.