కాంగ్రెసుతో చిరంజీవి పొత్తు ఏమిటి?: బివి రాఘవులు

విజయవాడ: కాంగ్రెసుతో కలిపి పనిచేయాలనే ప్రజారాజ్యం పార్టీ అధ్యక్షుడు చిరంజీవి నిర్ణయంపై సిపిఎం రాష్ట్ర కార్యదర్శి బివి రాఘవులు తీవ్రంగా వ్యతిరేకించారు. తన నిర్ణయాన్ని చిరంజీవి పునసమీక్షించుకోవాలని ఆయన కోరారు. రాజ్యసభ సీటు కోసం కాంగ్రెసుతో చిరంజీవి పొత్తు పెట్టుకోవడం సరైంది కాదని ఆయన సోమవారం మీడియా ప్రతినిధుల సమావేశంలో అన్నారు. కాంగ్రెసులో కుర్చీల కుమ్ములాటలు ప్రారంభమయ్యాయని ఆయన వ్యాఖ్యానించారు.

కాంగ్రెసు అధిష్టానం ప్రజారాజ్యం పార్టీతో సర్దుబాటు వ్యవహారాలు చేస్తుందని, ఇంతకన్నా దౌర్భాగ్యం మరోటి ఉండదని ఆయన అన్నారు. రాష్ట్రంలో మధ్యంతర ఎన్నికలు రావని, మధ్యంతర ఎన్నికలు రావాలని తాము కోరుకోవడం లేదని ఆయన అన్నారు. స్థానిక సంస్థల ఎన్నికలకు తాము సిద్ధంగా ఉన్నామని ఆయన చెప్పారు.