రాజ్యసభ బరి నుంచి తప్పుకుంటున్న చిరు పార్టీ

హైదరాబాద్: రాజ్యసభ బరి నుంచి తప్పుకోవాలని చిరంజీవి నాయకత్వంలోని ప్రజారాజ్యం పార్టీ నిర్ణయించుకుంది. రాజ్యసభ ఎన్నికల్లో కాంగ్రెసుకు మద్దతు ఇవ్వాలని నిర్ణయం తీసుకుంది. రాజ్యసభ ఎన్నికల్లో పోటీ చేసే విషయంపై, కాంగ్రెసు అధ్యక్షురాలు సోనియా గాంధీతో జరిగిన చర్చలపై మాట్లాడేందుకు చిరంజీవి మంగళవారం పార్టీ ముఖ్య నేతలతో సమావేశమయ్యారు. ఈ సమావేశంలో ఆ మేరకు సమావేశంలో నిర్ణయం తీసుకున్నారు.

రాజ్యసభ ఎన్నికల్లో పోటీ చేస్తామని ప్రకటిస్తూ వచ్చిన చిరంజీవి సోనియాతో చర్చల అనంతరం వెనక్కి తగ్గారు. కాంగ్రెసు పార్టీకి మద్దతు ఇవ్వాలని నిర్ణయం తీసుకున్నారు. కాంగ్రెసుతో దీర్ఘకాలిక స్నేహాన్ని ఆశిస్తూ ప్రజారాజ్యం పార్టీ ఆ నిర్ణయం తీసుకుంది.