ఓదార్పుపై జగన్ నిర్ణయం తీసుకుంటారు: శ్రీకాంత్ రెడ్డి

హైదరాబాద్: ఓదార్పు యాత్ర చేపట్టే విషయంపై పార్లమెంటు సభ్యుడు వైయస్ జగన్ తగిన సమయంలో తగిన నిర్ణయం తీసుకుంటారని కాంగ్రెసు శాసనసభ్యుడు శ్రీకాంత్ రెడ్డి చెప్పారు. జగన్ తో భేటీ అనంతరం ఆయన బుధవారం మీడియా ప్రతినిధులతో మాట్లాడారు. ఓదార్పు యాత్ర చేపట్టే విషయంపై పార్టీ అధిష్టానంతో చర్చలు జరుగుతున్నాయని ఆయన అన్నారు.

వైయస్ జగన్ ఒంటరివారు కారని, జగన్ వెంట కాంగ్రెసు పార్టీ ఉందని ఆయన అన్నారు. తన కన్నా చిన్నవారిని కూడా అన్నా అని పిలిచే సంప్రదాయం జగన్ కు ఉందని ఆయన అన్నారు. జగన్ ఎవరినీ కించపరిచేలా మాట్లాడలేదని ఆయన వివరణ ఇచ్చారు. ముఖ్యమంత్రి కె. రోశయ్యను ఏకవచన సంబోధనతో కించపరిచారని జగన్ పై వచ్చిన ఆరోపణను ఆయన ఖండించారు.