తెలుగు తమ్ముళ్ల గొడవ: చంద్రబాబుకు ఎర్రబెల్లి దయకర రావు లేఖ

హైదరాబాద్: రాజ్యసభ అభ్యర్థుల ఎంపిక తెలుగుదేశం పార్టీలో తెలుగు తమ్ముళ్ల మధ్య చిచ్చు పెట్టింది. తమ పార్టీ సహచరుడు కంభంపాటి రామ్మోహన్ రావుపై చర్య తీసుకోవాలని కోరుతూ తెలుగుదేశం నాయకుడు ఎర్రబెల్లి దయాకర రావు పార్టీ అధ్యక్షుడు నారా చంద్రబాబు నాయుడికి లేఖ రాశారు. కంభంపాటి వ్యాఖ్యలతో తాను మనస్తాపానికి గురయ్యానని, కంభంపాటి వ్యాఖ్యలు అభ్యంతరకరంగా ఉన్నాయని ఎర్రబెల్లి ఆ లేఖలో విమర్శించారు.

అయితే, తాను అటువంటి లేఖ ఏదీ రాయలేదని ఎర్రబెల్లి దయాకర రావు మీడియా ప్రతినిధులతో చెప్పారు. కానీ ఎర్రబెల్లి దయాకర రావుకు చెందిన రాజు అనే వ్యక్తి చంద్రబాబుకు రాసిన లేఖను తెలుగుదేశం లెజిస్లేచర్ పార్టీ (టిడిఎల్పీ) కార్యదర్శికి అందజేశారనేది వాస్తవమనే మాటలు వినిపిస్తున్నాయి.