రుచికా హత్య కేసు లో రాథోర్ బెయిల్‌ నిరాకరణ

ఛంఢీఘర్: రుచికా అత్యాచారం, హత్య కేసులో ప్రధాన నిందితుడు, హర్యానా మాజీ డీజీపీ ఎస్ పి ఎస్ రాథోర్ బెయిల్ అప్పీలు కోర్టు తిరస్కరించింది. 20సంవత్సరాల క్రితం 14 ఏళ్ల బాలిక 'రుచిక గిర్ హోత్ర" అనే మైనరు బాలిక మీద రాథోర్ అత్యాచారానికి పాల్పడిన అభియోగం కోర్టులో రుజువైంది. ఈ కేసులో ఎస్‌పిఎస్‌ రాథోర్ కు ఏడాదిన్నర జైలు శిక్ష విధిస్తూ కోర్టు తీర్పు ఇచ్చింది.

ఈ నేపథ్యంలో తనకు బెయిల్ మంజూరు చేయాలంటూ రాథోర్ బెయిల్ పిటిషన్‌ను సెషన్స్ కోర్టు కొట్టి పారేసింది. సెషన్స్ కోర్టు తీర్పును సవాలు చేస్తూ రాథోర్ లాయర్, వైఫ్ అభా రాథోర్ మే 26 హైకోర్టులో అప్పీలు చేసుకున్నారు. ఈ క్రమంలో రాథోడ్ బెయిల్ పిటిషన్‌ ను తిరస్కరిస్తౌూ విచారణను జూన్ 29వ తేదీకి వాయిదా వేస్తూ హర్యానా మరియు పంజాబ్ హైకోర్టు ఉత్తర్వులు జారీ చేసింది.