పరిటాల సునీత వెంకటాపురం ఇంట్లోకి ఆగంతకుడు

అనంతపురం: అనంతపురం జిల్లా వెంకటాపురం గ్రామంలోని తెలుగుదేశం శాసనసభ్యురాలు పరిటాల సునీత ఇంట్లోకి సోమవారం ఓ ఆగంతకుడు ప్రవేశించాడు. దీంతో పరిటాల శిబిరంలో కలకలం చెలరేగింది. ఆ ఆగంతకుడు పరిటాల రవి హత్య కేసులో నిందితుడు మద్దెలచెర్వు సూరి గ్రామానికి చెందినవాడు కావడంతో ఒక్కసారిగా అంతా అప్రమత్తయ్యారు.

ఆగంతకుడిని పరిటాల అనుచరులు పట్టుకుని పోలీసులకు అప్పగించారు. అతను మానసిక రోగి కావచ్చుననే అనుమానం వ్యక్తమవుతోంది. అతని వద్ద మారణాయుధాలేవీ లేకపోవని అంటున్నారు. పరిటాల సునీత ఇంట్లో ఎప్పుడూ 20 మంది దాకా అనుచరులుంటారు. అయితే ఎవరూ లేని సమయం చూసి అతను ఇంట్లోకి ప్రవేశించినట్లు సమాచారం. ఆ సమయంలో పరిటాల సునీత కూడా ఇంట్లో లేరు.