తెలంగాణ కోసం ఇంటర్ విద్యార్థి వెంకట్ ఆత్మహత్య

వరంగల్: తెలంగాణ కోసం మరో విద్యార్థి ఆత్మహత్యకు పాల్పడ్డాడు. వరంగల్ జిల్లా కంఠాత్మకూర్ గ్రామంలో వెంకట్ అనే విద్యార్థి శనివారం ఆత్మహత్య చేసుకున్నాడు. ఉప ఎన్నికల్లో తెలుగుదేశం, కాంగ్రెసు పార్టీలు పోటీ చేయాలని తీసుకున్న నిర్ణయంపై మనస్తాపానికి గురై అతను ఆత్మహత్య చేసుకున్నాడు. తల్లిదండ్రులు కూలీకి వెళ్లిన సమయంలో అతను ఆత్మహత్య చేసుకున్నాడు. అతను రాసి పెట్టిన స్యూసైడ్ నోట్ ను పోలీసులు స్వాధీనం చేసుకున్నారు.

తెలంగాణ కోసం తన ప్రాణాన్ని త్యాగం చేస్తున్నానని వెంకట్ ఆ లేఖలో రాశాడు. విద్యార్థి బలవన్మరణంతో గ్రామంలో తీవ్ర ఉద్రిక్తత చోటు చేసుకుంది. గ్రామానికి తెలంగాణ రాష్ట్ర సమితి (తెరాస) నాయకులు, తెలంగాణవాదులు చేరుకుంటున్నారు.