టీవీ నటి డింపుల్ కు 14 రోజుల రిమాండ్

హైదరాబాద్: టీవీ నటి డింపుల్ కు హైదరాబాదులోని నాంపల్లి కోర్టు 14 రోజుల పాటు రిమాండ్ విధించింది. ఈ మేరకు సోమవారం నాంపల్లి కోర్టు ఆదేశాలు జారీ చేసింది. తన సహనటుడు శ్రీధర్ వర్మపై యాసిడ్ దాడి చేయించినందుకు, తనపై గుర్తు తెలియని మహిళ దాడి చేసిందంటూ నాటకం ఆడినందుకు పోలీసులు డింపుల్ ను ఆదివారం అరెస్టు చేశారు.

సోమవారం డింపుల్ ను పోలీసులు నాంపల్లి కోర్టు హాజరు పరిచారు. కోర్టు రిమాండ్ విధించడంతో పోలీసులు ఆమెను హైదరాబాదులోని చంచల్ గుడా జైలుకు తరలించారు. తనను ప్రేమించి వివాహం చేసుకోవడానికి వెనకాడుతున్నందుననే తాను శ్రీధర్ వర్మపై దాడి చేయించినట్లు డింపుల్ అంగీకరించింది. తాను ఇంకా డింపుల్ ను ప్రేమిస్తున్నానని శ్రీధర్ వర్మ చెప్పాడు.