18న బాలీవుడ్ నటి మనీషా కొయిరాల పెళ్లి

ఖాట్మండు: బాలీవుడ్‌ సుందరి మనీషా కొయిరాల(40) ఈ నెల 18న శ్రీమతి కానుంది. నేపాల్‌ వ్యాపారవేత్త, తనకన్నావయస్సులో ఏడేళ్లు చిన్నవాడైన సామ్రాట్‌ దహాల్‌ను ఆమె పెళ్లి చేసుకుంటోంది. తూర్పు ఖాట్మండులోని గోకర్ణ ఫారెస్ట్‌ రిసార్ట్‌లో ఈ వేడుక సంప్రదాయ పద్ధతిలో అంగరంగవైభవంగా నిర్వహించనున్నారు. పెళ్లికి ఆహ్వానించేందుకు నేపాల్‌, భారత్‌కు చెందిన అతిథుల జాబితాను ఇప్పటికే సిద్ధంచేసినట్లు మనీషా కుటుంబ వర్గాలు తెలిపాయి.

కాగా, ఏడాది కాలంగా సామ్రాట్ దహాల్, మనీషా తరుచూ కలుసుకుంటూనే ఉన్నారు. ఈ నెల 18వ తేదీ పెళ్లి ముహూర్తం జ్యోతిష్యుడు నిర్ణయించి పెట్టాడు. ప్రస్తుతం మనీషా వయస్సు 40 ఏళ్లు. రాజకీయ కుటుంబానికి చెందిన మనీషా కొయిరాల నేపాల్ రాజకీయాల్లో చురుకైన పాత్ర నిర్వహించేందుకు కూడా సిద్ధపడుతున్నట్లు సమాచారం.