తెలంగాణ ఉప ఎన్నికలపై హైకోర్టులో పిల్ కొట్టివేత

హైదరాబాద్: తెలంగాణలోని 12 శాసనసభా స్థానాలకు ఉప ఎన్నికలను నిలిపేయాలని కోరుతూ దాఖలైన ప్రజా ప్రయోజనాల వ్యాజ్యాన్ని (పిల్ ను) రాష్ట్ర హైకోర్టు మంగళవారం కొట్టేసంది. తెలంగాణ ప్రాంతంలో ప్రశాంత వాతావరణం లేదని, ఉప ఎన్నికలు జరిగితే పరిస్థితి మరింత ఉద్రిక్తంగా మారే ప్రమాదం ఉందని, అందువల్ల ఉప ఎన్నికల నోటిఫికేషన్ విడుదల చేయకుండా కేంద్ర ఎన్నికల సంఘాన్ని ఆదేశించాలని అంటూ అనంతపురానికి చెందిన హైకోర్టు న్యాయవాది జె నారాయణస్వామి సోమవారం పిటిషన్ దాఖలు చేశారు.

నారాయణస్వామి పిటిషన్ పై విచారణ జరిపిన హైకోర్టు దాన్ని కొట్టేస్తూ ఉప ఎన్నికలపై ఉన్న అభ్యంతరాలను ఎన్నికల కమిషన్ దృష్టికి తీసుకుని వెళ్లాలని సూచించింది. ఎన్నికల సంఘం వ్యవహారాల్లో తాము జోక్యం చేసుకోబోమని స్పష్టం చేసింది.