తెలంగాణలో పరిస్థితి అనుకూలంగా లేదు: కోటగిరి విద్యాధర రావు

హైదరాబాద్: తెలంగాణలో ఉప ఎన్నికలు నిర్వహించడానికి పరిస్థితులు అనుకూలంగా లేవని ప్రజారాజ్యంపార్టీ నేత కోటగిరి విద్యాధరరావు అభిప్రాయపడ్డారు. ఉప ఎన్నికలు వాయిదా వేస్తేనే మంచిదని ఆయన మంగళవారం మీడియా ప్రతినిధులతో అన్నారు. తెలంగాణలో ఏ పార్టీ పోటీ చేసినా దాడులు తప్పవని తెలంగాణవాదులు స్పష్టం చేయడంతో ఇప్పుడు ఎన్నికలు జరిగితే ఉద్రిక్త పరిస్థితులు చోటు చేసుకునే అవకాశం ఉందని అయన అభిప్రాయపడ్డారు.

ప్రజలు ఉద్రేక పరిస్థితుల్లో ఉన్నప్పుడు ఎన్నికలు స్వేచ్ఛగా జరగవని, ఈ పరిస్థితుల్లో ఉప ఎన్నికలను వాయిదా వేయడమే మంచిదని పీఆర్పీ రాజకీయ వ్యవహారాల కమిటీ సభ్యుడు సి. రామచంద్రయ్య సోమవారం అన్నారు. తెలంగాణలో ఉప ఎన్నికలను వాయిదా వేయాలని ప్రజారాజ్యం పార్టీ గట్టిగా వాదిస్తూ వస్తోంది.