నిజామాబాద్ లో టిడిపి, కాంగ్రెసు పోటీ చేయొద్దు: బిజెపి

న్యూఢిల్లీ: నిజామాబాద్ శాసనసభకు జరిగే ఉప ఎన్నికలో కాంగ్రెసు, తెలుగుదేశం పార్టీలు పోటీ చేయకపోవడమే మంచిదని బిజెపి అధికార ప్రతినిధి నిర్మలా సీతారామన్ అన్నారు. తెలంగాణ జెఎసి మాటకు కట్టుబడి మొదట రాజీనామా చేసింది తమ పార్టీయేనని ఆమె మంగళవారం మీడియా ప్రతినిధులతో అన్నారు. నిజామాబాద్ శాసనసభా స్థానానికి బిజెపికి చెందిన లక్ష్మీనారాయణ రాజీనామా చేసిన విషయం తెలిసిందే.

పోటీ విషయంలో మిగతా పార్టీలు ఆ కట్టుబాటును తప్పితే తెలంగాణ ప్రజలకు తప్పుడు సంకేతాలు వెళతాయని ఆమె అన్నారు. మిగిలిన 11 శాసనసభా స్థానాలకు పోటీ చేయాలా, వద్దా అనే విషయాన్ని తమ పార్టీ పార్లమెంటరీ స్టాండింగ్ కమిటీ నిర్ణయిస్తుందని ఆమె చెప్పారు.