వీరప్ప మొయిలీని ధిక్కరిస్తారా: మల్లు భట్టి విక్రమార్క

హైదరాబాద్‌: కాంగ్రెసు పార్టీ రాష్ట్ర వ్యవహారాల ఇన్‌ఛార్జి వీరప్పమెయిలీకి భయపడమని సీనియర్‌ నేతలు వ్యాఖ్యానించడం పార్టీని ధిక్కరించడమేనని ప్రభుత్వ చీఫ్‌విప్‌ మల్లు భట్టివిక్రమార్క అన్నారు. పీసీసీ అధ్యక్షునిగా డి. శ్రీనివాస్, రాష్ట్ర ఇన్‌ఛార్జిగా మెయిలీ ఆదేశాల ప్రకారం రాష్ట్రంలోని కాంగ్రెసు నేతలంతా నడుచుకోవాలని ఆయన అభిప్రాయపడ్డారు.

తమ పార్టీ నాయకులు చేస్తున్న వ్యాఖ్యలు అదిష్ఠానం దృష్టికి నిత్యం వెళ్తుంటాయని, అవసరమైన రీతిన స్పందిస్తుందని ఆయన చెప్పారు. పోలవరం అక్రమాల్లో ఉన్న అదృశ్యశక్తులు ఎవరో ఆ సమాచారాన్ని ముఖ్యమంత్రికి లేదా పార్టీ అదిష్ఠానానికి ఇవ్వాలని భట్టి సలహా ఇచ్చారు.