ఆట టీవీ రియాల్టీ షో నిలిపివేతపై హైకోర్టు స్టే

హైదరాబాద్: ఆట రియాల్టీ షోను నిలిపేస్తూ మానవ హక్కుల కమిషన్ (హెచ్చార్సీ) ఇచ్చిన ఆదేశాలపై హైకోర్టు శుక్రవారం స్టే విధించింది. ఆట షోను నిలిపేస్తూ హెచ్చార్సీ ఇచ్చిన ఆదేశాలను సవాల్ చేస్తూ యాంకర్ ఓంకార్ హైకోర్టును ఆశ్రయించారు. కేసును హైకోర్టు విచారణకు స్వీకరించి నోటీసులు జారీ చేసింది.

జీ చానెల్ లో ప్రసారమవుతున్న ఆట రియాల్టీ షోలో పిల్లల చేత అసభ్యంగా, అర్థనగ్నంగా నృత్యాలు చేయిస్తూ పిల్లల హక్కులను కాలరాస్తున్నారంటూ కొన్ని ప్రజా సంఘాలు ఇటీవల మానవ హక్కుల కమిషన్ ను ఆశ్రయించారు. దీంతో ఆట షోపై మానవ హక్కుల కమిషన్ నిషేధం విధించింది.