ప్రజారాజ్యంలోకి అల్లు అరవింద్ మళ్లీ వస్తున్నారు

హైదరాబాద్: ఎన్నికల్లో పార్టీ ఘోర వైఫల్యం తర్వాత తీవ్ర విమర్శలు ఎదుర్కుని పార్టీకి దూరమైన అల్లు అరవింద్ మళ్లీ ప్రజారాజ్యంలో కీలక పాత్ర పోషించనున్నారు. ఆగస్టు నుంచి తాను తిరిగి క్రియాశీలక రాజకీయాల్లో పాల్గొంటానని, తన తడాఖా చూపిస్తానని ప్రజారాజ్యం పార్టీ అధ్యక్షుడు చిరంజీవి బావ మరిది, ప్రముఖ సినీ నిర్మాత అల్లు అరవింద్ అన్నారు. ప్రజారాజ్యం పార్టీని ముందుకు నడిపించి ప్రత్యర్థుల గుండెల్లో రైళ్లు పరిగెత్తిస్తానని ఆయన చెప్పారు.

పార్టీలోకి అల్లు అరవింద్ తిరిగి ప్రవేశించే విషయాన్ని ప్రజారాజ్యం నాయకుడు కోటగిరి విద్యాధర రావు కూడా నిర్ధారించారు. ఆయనకు పార్టీలో ఓ ప్రత్యేక పదవిని సృష్టించనున్నట్లు ఆయన తెలిపారు. తాను తిరిగి క్రియాశీలక రాజకీయాల్లోకి ప్రవేశిస్తున్నందుననే తనపై విమర్శలు చేస్తున్నారని అల్లు అరవింద్ అన్నారు. ఎన్నికల తర్వాత పార్టీకి దూరమై, సినిమాలు తీయడంలో ఆయన మునిగిపోయారు. సినీ రంగంలో ఆయన మంచి హిట్లు కూడా ఇచ్చారు.