కోడి పుంజు కోసం విశాఖలో రౌడీ షీటర్ హత్య

విశాఖపట్నం: కోడి పుంజు కోసం విశాఖపట్నంలో హత్య జరిగింది. ఈ సంఘటన స్థానికంగా తీవ్ర సంచలనం సృష్టించింది. కోడి పుంజు కోసం అతని అనుచరులే రౌడీ షీటర్ కృష్ణను హత్య చేశారు. తన అనుచరులతో కలిసి చిత్తుగా తాగిన కృష్ణ తన కోడి పుంజు కోసం తగాదా పడ్డాడు. ఈ తగాదాలో అనుచరులు అతన్ని హత్య చేశారు.

కృష్ణ కొద్ది రోజుల క్రితమే జైలు నుంచి విడుదలయ్యాడు. అతను జైలులో ఉన్న సమయంలో భార్య కోడిపుంజును రమేష్ రెడ్డి అనే వ్యక్తికి విక్రయించింది. అతను కృష్ణకు సన్నిహితుడే. జైలు నుంచి వచ్చిన తర్వాత కృష్ణ తాగిన మత్తులో అనుచరులతో కోడి కోసం తగాదాకు దిగాడు. దీంతో అనుచరులు అతన్ని హత్య చేశారు. పోలీసులు కేసు నమోదు చేసుకుని దర్యాప్తు చేస్తున్నారు.