ఉప ఎన్నికల మాయ: డిఎస్ తెలంగాణ పాట

హైదరాబాద్‌: తెలంగాణలోని 10 శాసనసభా స్థానాలకు ఉప ఎన్నికలు జరుగుతున్న నేపథ్యంలో ప్రదేశ్ కాంగ్రెసు కమిటీ అధ్యక్షుడు డి. శ్రీనివాస్ తెలంగాణ పాట అందుకున్నారు. తాను రాష్ట్ర కాంగ్రెసు పార్టీకి అధ్యక్షుడిని గానీ ఒక ప్రాంతానికి ప్రతినిధిని కానని చెబుతూ వచ్చిన శ్రీనివాస్ తెలంగాణలో ఉప ఎన్నికలను దృష్టిలో పెట్టుకుని తెలంగాణవాదాన్ని వినిపిస్తున్నారు. వినిపించడమే కాదు, తెలంగాణవాదాన్ని మొదట వినిపించింది తానేనని చెప్పుకున్నారు.

తెలంగాణ అంశాన్ని పార్టీ అధిష్టానం వద్దకు తీసుకెళ్లే దమ్ము, ధైర్యం తనకు మాత్రమే ఉన్నాయని ఆయన మంగళవారం మీడియా ప్రతినిధుల వద్ద చెప్పుకున్నారు. శాసనసభ్యులు రాజీనామాలు చేసినంత మాత్రాన తెలంగాణ రాష్ట్రం రాదని ఆయన అన్నారు. డిఎస్ స్వయంగా నిజామాబాద్ (అర్బన్) స్థానం నుంచి పోటీ చేస్తున్నారు. గత ఎన్నికల్లో ఆయన ఈ స్థానం నుంచి పోటీ చేసి ఓడిపోయారు.