హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

బుజ్జగించిన చంద్రబాబు: దారికొచ్చిన నాగం జనార్దన్ రెడ్డి

By Pratap
|
Google Oneindia TeluguNews

Nagam Janardhan Reddy
హైదరాబాద్: తెలంగాణలో జరిగే ఉప ఎన్నికల్లో పోటీ చేయరాదంటూ అలక బూనిన తెలుగుదేశం పార్టీ నాయకుడు, తెలుగుదేశం తెలంగాణ ఫోరం కన్వీనర్ నాగం జనార్దన్ రెడ్డి దారికొచ్చారు. పార్టీ అధ్యక్షుడు నారా చంద్రబాబు నాయుడు ఆయనను బుజ్జగించారు. ఉప ఎన్నికల్లో పార్టీ పోటీ చేయకూడదంటూ ఆయన చంద్రబాబు వద్ద వాదిస్తూ వచ్చారు. తన అభిప్రాయానికి భిన్నంగా పోటీకి చంద్రబాబు నిర్ణయం తీసుకోవడంతో ఆయన అలక వహించి, పార్టీ తెలంగాణ సీనియర్ల సమావేశాలకు కూడా డుమ్మా కొడుతూ వచ్చారు. పార్టీ పోటీ చేయాల్సిన అవసరం ఎందుకు ఉందో, పార్యీ క్యాడర్ ఏం చెబుతుందో చంద్రబాబు నాగం జనార్దన్ రెడ్డికి వివరించినట్లు తెలుస్తోంది.

చంద్రబాబు నచ్చజెప్పడంతో మంగళవారం తెలంగాణ సీనియర్లు సమావేశమై ఉప ఎన్నికల్లో అనుసరించాల్సిన వ్యూహంపై చర్చించారు. ఈ సమావేశానికి సీనియర్ నేత కడియం శ్రీహరి కూడా వచ్చారు. చంద్రబాబు విజయనగరం జిల్లా పర్యటనలో ఉండగా, ఉప ఎన్నికల సమరాన్ని భుజాన మోసేందుకు తెలంగాణ పార్టీ సీనియర్లు సిద్ధపడినట్లు అర్థమవుతోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X